هلاوس قرائيه

حينما يتكون الصقيع بداخلى

وتكونين انتى مصدره

فهذا معناه انك انثى تدعى النبوه

وانى صبات

****************

للانتظار طعم الياس

ولون الفجيعه

ورائحه العفن

*********************

مفيش اصطباحات

انت مش قلت انك مبطل

انا عيل يا عم

امال هارينا انا صاحب مبادى انا صاحب مبادىء

مبداى ان اى قرار اخده مش قرار نهائى وقابل للتعديل والتغيير

**************************

كان حلما

ان تكون نهايتى

صريعا فى مجاهلك

وان يكون شاهدى

ما بين ثدياكى

وبين واهمك

كان حلما

ان اراقصك

وانتظرتك

انتظرتك

لكننى اكتشفت

مصرعك

***************************

احيانا

والبحر يصب بعينيكى

اشياء من ذاتى

اتلهف للموت

كى تصبح عيناكى قبرا لرفاتى

.............

احيانا ياتى

واكون على موعد عشق مع اخرى

فاموووت

.............

عذرا

قد لا تصلح عيناكى قبرا

...............................

تشعرين بالفضول

واشعر بالخجل

تشعرين بالاثارة

واشعر بالملل

ما بينك وبينى

ما بين الحادى وبين الجمل

*******************************

ان تستمتع بكل لحظاتك

وان تحاول استخراج مواطن الجمال فى كل افعالك

وتصرفاتك

هو ما يثبت انك سوى

********************************

حينما تكونين راقده مابين ذراعى

تستخدمين صدرى كوساده

لن اسمح لك بالحديث

فقط ستسمعيننى

حتى يغلبك النعاس

********************************

مش عارف ليه شايف انها لو بقت صايعه هتبقى احلى

خصوصا لوكنا هناجر شقه قانون جديد فى بارس

على شارع الشانزلزيه الرئيسى

ونضيع كل فلوسنا انا وهى على الحشيش والبيرة

ونحوش عشان نشترى البارفانات الاوريجينال

ونسافر نقضى اليار اند على قهاوى وسط البلد

ويتيريق المصريين على جزمنا اللى

بقالها عشر سنين بتلف معانا الدنيا

وشعرنا اللى عمرنا ما اهتمينا بيه

وسنانا اللى الشاى مديها اللون الاصفر المقدس

رباعيات

قلبك وقبرى

توامين

وانتى والموت وجهين لعمله

هتوضا

واصلى للحزن ركعتين

وانتحر

..........................

احد روائع الكف اللى شرف بيها مدونتى

اولا _امتع لحظة ف حياتك هى اخر لحظة ف حياتك(مش دة برضة كلامك)

ثانيا_مشكلة السرير دى مشكلتك لوحدك ...

مش مهم الكلام_المهم انك تعرف تقضى المصلحة

_ثالثا_يا عم لما تبقى خربان ابقى احدف اى حاجة _مش كدة _

رابعا_ماركس و لينين و نيتشة و هيجل و البنا انا بتهيالى الناس دى

_مش لاقى كلام اقولة عليهم _

طبعا مش من كتر اعجابى بيهم

لا

انت عارف رايى ف العالم اللى زى دول

_رايى ان الناس دول كانوا فاضيين _و مش لاقيين حاجة تشغلهم

خامسا_عبد الناصر _اللة يرحمة السادات _اللة يرحمة الناس دول يابنى اييييييييييييييييييييية فين ايام زمان

سادسا انت عارف ومش محتاج اعيد و ازيد

_اذا ذهب راسبوتين ।فكلنا راسبوتين

_اخيرا_قلتك 100 مرة ابقى باصى اى حاجة لاخوك

_مش كدة خالص_
4:20 م

حاولت انى اظبط الكومنت املائيا بس مرضتش

دى ملحوظه لكاتب البوست يا جماعه

ده كومنت لصاحبى وعشرة سبع سنين معاناه فى الكليه كان كتبه تعليق على بوست ليا كان اسمه الخروج عن النص

دى ملحوظه لقرائى الاعزاء بما فيهم الكف

البوست ده ممكن تعتبره هديه

احاول الكتابه كما كنت اكتب

تمثال طلعت حرب

وميدان على طول مليان باجانب

والناس ع القهوة نوعين

اللى يقابلك يرتحلك

واللى يشوفك يتكائب

تشرب حاجه يا بيه

بعد ما افكر بشرب شاى

شبعان يا فلاسفه وبمووت م الجوع

والشاى بيسود ف سنانى

وانا بعشق م النسوان

السمر

وسجايرى رخيصه

رخص البت القاعده بتشرب شيشه

ويا الواد ال عامل شعره معفن

وبيتكلم ف الشعر

قال ايه شغال ف الدستور

دستور يا صحافه

دستور يا ثقافه

وعليكى يا رجوله الرحمه

ودموع البت الهبله المولوده بتحب البحر

والتايهه ف قلب الزحمه

فينك يا حشيش

محتاج اسكر واعيش

واحب البت اللى اكون اول واحد ف حياتها

يا نجيب يا الاه الحكمه

متمتش

لسه بلدنا غرقانه ف غش

والفقر شعار الزمه

والهمه انك متعرصش

معلش

بكتب من غلبى الشعر

شبعان يا فلاسفه وبمووت م الجوع

وكلام الشعرا

والله

مبيشبعش

مش ليكى

ولانى عبيط

ولانك

مش دايما بتحبى الكورنيش

ساعه المطرة

ولان حياتكم

مبتفرقش كتير

عنى وعنها

سهله سعات

وسعات خطرة

ولان الدنيا

مش دايما تقرف

يمكن تدى لقلبك

وزنك فرحه

ويمكن تخطف

ولان عنيكى

مش زى ما صاحبك

ما بيوصف

فعنيكى سعات زى حشيشى

بتكيف

وسعات اكتر

بتخوف

فانا هابعد

وهابطل ادمن صوتك

لزوميات ما لا يلزم

مفتتح

رمضان ولى هاتها يا ساق

لا يخشى الخمرة عربيدا او افاق

ما بعد المفتتح

المعنى قد يكمن فى بطن الشاعر

فيصير الشاعر فاعل

والمشعور اليه المفعول

اما لو كانت بطن الشاعر جوفاء

فعليه

سيكمن فى بطن المشعور اليه

ويظل الشاعر فاعل

والمشعور اليه هو المفعول

لكن حتما

سيكون الشاعر مجهول

والان عليكم تكوين الجمله

فالتكوين مباح

لكن لا تنسو نصب المفعول

والمفعول كما نعلم ينصب بالتنوين

ان كان الهاتف مغلق

او غير متاح

اعلم انك لا تفهم شيئا

اقسم انى لا افهم ايضا

لا يفهم شيئا فى عصر التدوين

الفهم سفاح

وعلى من يفهم اجهاض

وعليه...تركيب اللولب

لا تغضب

ما رايك ان نلعب

فاقوم بدور الساحر

وتقوم بدور الارنب

بعد الطرق ثلاثا

والترديد باسمك

تخرج من قبعتى تلبث زى الثعلب

لا تخشى شيئا

فالجمهور مغفل

سيصدق انك ثعلب

بعد التصفيق الحاد المبرح

تخلع عنك الزى الزائف

كى تلبث زى الاحدب

سيصيح الناس

جن الثعلب

كن اكثرجراه

لا تهرب

ولتشرح للجمهور الموقف

كنا نلعب

قصيده

صديقه دربى الحالم لكِ اقسم

سابقى دائما ابدا

يدا ممدودةٍ بالحبِ

اذاناً اذا ما شئتى ان تحكى

ومنديلا اذا ما شئتى ان تبكى

فلا تخشى اذا ما احتجتى للشكوى

ونادينى

ساتيكى والقاكى

واحمل عنكى الحزن

ما بعد القصيده

من لم يمت بالخمر مات بغيره

محمد عبد الحى جاهين العصر

ساعات بانسى
ساعات بانسى أن قلبي حزين
و بانزل شبرا أتمشى
وازق ملامحي وسط الزحمة والدكاكين
ما بين شيكولاني والراعي
... و شد البياعين في كتفتي و دراعي
معانا كل شئ ينباع -"
معاك فرحة ؟ -
" ده ما تلاقيهوش -
معاك فرحة ؟ -"
" يا دوبك لسة خلصانة -
معاك فرحة ؟ -"
" مقاسك كام؟ -
سؤال بيخض جسمي خض
فاحس البرد ناشع فـ العضام ما تركش ولا حتة
و ألاقي الحزن زي فيران ترابنا مقرقض الجتة
فـ أضم أكفاني وسط الزحمة و الشارع
و اتسحّب على قبري
*************
ساعات بانسى أن أنا عيل
واروح واوعد عينيها بأن أنا ليها
فتتبسم .. و توعدني أنها ليّا
هاشوفك تاني .. توعدني -"
أكيد طبعا -
أشوفك فين ؟ -
هنا برضه -
وأمتى ؟ -
" بعد أول فجر -
ونظبط في الساعات بينّا
سنة و اتنين نقع ما نبان
... ما بين ورقة نتيجة و صفحة فـ أجندة
"تاريخ أول صباح الخير"
" تاريخ أول (باحبك) تغلب الشفة "
" تاريخ أول غرق فـ بحور مشاكلنا "
...... تاريخ "
" ذكرى وفاة الحب و المواعيد
**************
ساعات بانسى أن أنا شاعر
و باحلم بالحياة والبيت
و جنة أدخلها بعد ما أموت
بحج ، وصوم
و سطر ذكاة
و بطيخة طيابة
و كيس رضا بالفول
أحط حمولي فوق طرابيزة السفرة
و رجليا فـ مية بملح تغسلهملي حور العين
ألاقي حديث نبينا المصطفى بيقوللي " رايح فين ؟ !! .. يا شاعر
خد حمولك لا المعاد هيفوت
أميركم (أمرؤ القيس ) اللوا بأيده
بيحدي اللي أتولد شاعر
" لأسفل وادي فـ جهنم


دكتور محمد
حد جامد اوى يا جدعانhttp://mohammedabd-elhay.blogspot.com/
بس مشكلته ان طب بيطرى جارت عليه


هوا لسا عامل المدونه دى جديد

vibration

حين اقلق هاتفى القديم

هاتفها

الملقى قربه

على طاوله ما بينى

وبينها

لم يصدر صوتا

لكنه

ارتعش

من اوراق السفر الاتى

اراه دوما

كشبيه عيسى
كلون بسمه كاهن بوذى
هذا الذى بينى وبيك
اراه دوما يتجول امامى
يرتدى ملابسى
يعبث باقلامى يقرا قصائدى
احس به على طاولتنا

يحتل الكرسى الثالث

يتناول معنا الطعام
احس به يرقد على فراشنا فى الليالى القارسه البروده
اشتم رائحه عطره على قميص نومك الاسود الذى لا ترتدينه مطلقا
ارى بقايا لفافاته فى مطفاه سجائرى
كاشباح موتى الحروب العالميه
هذا الذى اشعر انكى تريننى فى صورته

تعانقيننى على طريقته
حتما لا ابغضه
لاتخجلى من ذكر اسمه امامى
لاتخجلى ان تطلبى منى ممارسه الجنس على طريقته

رجل كهذا

استطاع ان يسيطر عليكى

بعد موته

رجل

ارفع له القبعه

طز فيكى

يا اللى عاجبك انى بنزف

طز فيكى

وف شفايفك

طز فى القلب اللى عاشقك

يا اللى كنتى فيوم ملاكى

مش هسامحك

هانسى انك كنتى عمرى

هانسى انى كنت راجلك

لو قابلتك مرة صدفه

هانسى انى كنت عارفك

واعمل انى لسا شايفك

يمكن ساعتها

القى نفسى باسالك

لو سمحتى

الساعه كام ؟

ولا اقلك لا بلاش

يحسن اضعف لما اشوفك تضحكى

وتقوليلى الساعه نايمه

فانسى انى لسا بانزف

وارجع احلف

انى عاشقك

وانى راجلك

وانى ضلك

وان صورتك صورتى شف

يا اللى عاجبك

انى بنزف

طز فيكى

وف شفايفك

طز فى القلب اللى عاشقك

يا اللى كنتى فيوم ملاكى

صدقينى

مش هسامحك

دراكولا

دم جف -

قال الراوى

دار ولف

جاب دروب المرض- الفقر

ينثر خدر زمان الخوف

يزرع فينا

دراكولا

..............

فى ظلمات الخط الفاصل

بين العقل

واللاعقل

فى اوكار الشر الكامن

داخل قبرٍ جافٍ رطب

يحوى الدود العفن المتخم

سوف نراه جحيما يحرق

عينا

نابا

مخلب

جوع

سوف نراه خيولا تصهل

تحمل نعشا

يزحف منه الموت الاسود كل مساء

ذاك الكونت

دراكولا

...................

حين يمر الناب الحاد وسط نسيج العنق المنهك

وسط غلاف الدم الدائر

تسرى النشوه داخل روحك

ينزع منك الحق-الواجب

تفقد ذاك الشئ الفج

المدعو غيرك

سوف تُمص

فينمو الشر

يكبر فيك

تمص الغير

ثم يحين الوقت لتغفو

كى تستجوب من مرااه الماضى المر

سوف تكون الصورة اوضح

تفقد ذاتك

..............................

صوت الساعه يعلن عن اقبال الليل

اسمع صوت الموت القادم

يغرس نابا داخل عنقى

تصحو داخل نفسى نفسى

ينمو داخل روحى شر

.............................

صوت الساعه يعلن عن اقبال الليل

ينعق صوت البووم

تبدا حمى الدم وتسرى

................

دم جف -

قال الراوى

دار ولف

ضؤ الشمس علاج الخوف

ضوء الشمس علاج الخوف

نسال كيف

كيف سننهى فينا الداء

نحن الداء

كلٌ منا

دراكولا

متقوليش ان العروسه مش بريئه

ارحمينى من حروف عمرى اللى شابت
واكتبينى حرف واحد فوق سطورك
ابعدينى عنى مرة
ارسمينى
طفل حاضن صفحه بيضا
لسا ما اتعلمش اى ملمح مش طبيعى
اوعى مرة تبيعى روحى للمتاهه
اى اهه
مش هتخرج بره سورى
لسا نبض الدنيا واقف جوا منى
مش هيمشى
الا لما تقولى دورى
رجعينى
عمر نايم جوا سدرك
مهما موج البحر يعلى
مهما يصرخ
ينكسر من فوق صخورك
متقوليش ان العروسه مش بريئه
وان الحصان خان الرهان
اوهمينى انى طالع من همومى
وان صعب الخطوة هان
وانى هوصل
مهما كان الصعب فيكى
مهما كنتى
اقدر افهم سحر بحرك
واقدر اعرف يعنى ايه
كلمه حياه

احمد العايدى

لونتِك
سما من عيني
كونتِك
مرمر كامل
شديتِك
ملو دراعي
وادْيتِك
وانا مش واعي
باتمنى وعارف ردِك
لو بنتِك
تنفع بنتي
توهانِك وسط بحورك
والبر مهوش براكي
تستني لإمتى
حضورك
وتعيشي كأني
معاكي
عطشان والميه
بتبعد
وأنا لسا بامد
جدوري
الوِش خلاص
بقى نـَفْـسه
أنا زيك
لابس دوري
يا عبيطة
العشق عبيط
مفهوش
قص وتزبيط
العُمر
يا يبقى مقاسِك
على واسع
ليبقى ماسك
يا بلاستك
لكن فلصو
أنا قلبي
خلاص مش
عايزه
لو كنتي ف مرَّة
مكاني
حتلاقي ان انتي
مكانِك
أنا خايف جداً
زيِك
مرعوب
من كتر ما عايزِك
متلبش
لأ. مش عايزِك
...
طب اقولِك
آخر حاجة..
لونتِك
سما من عيني
كونتِك
مرمر كامل
شديتِك
ملو دراعي
وادْيتِك
وانا مش واعي
باتمنى وعارف ردِك
لو بنتِك
تنفع بنتي

سالم الشهبانى شاعر لا تستطيع الفكاك منه(محمد كمال) ن

باستسمحك تعفيني ... ساعة النشيد م الهتـاف

سيبي السكوت يحتلني ॥

وسيبيني أخااااف

أصل الكلام بيوزني ...

وهوانــا سـر

والأعمى برضه ... غيـر اللي شـاف!!

الله يا سالم فين ايام الجامعه انا سعيد باللى بسمعه عنك ربنا يوفقك

حتميه الاشياء

حينما يتصاعد الدخان الازرق

من لفافه الحشيش

راسما وجهك فى فراغ الغرفه

اشعر اكثر بالوحده

اتذكر كم كانت تشتاق اليكى غرفتى

وكم كنتى تشتاقين اليها

لكنه القدر

عذرا صديقتى القديمه

لم اعد اصلح ان اكون فارسك

لم اعد اصلح ان اكون رجل اى امراه

قد اصبحت رجلا اجوف

لا املك الا احلاما مبعثرة فى ثنايا عقلى الباطن

تكسبها المخدرات كينونه ورونق

وتضفى عليها لونا اخر غير لون الصمت

فادرك انى قد كنت قديما

على قيد الحياه

ما بعد لفافتى الثانيه

كم تكرهنى حاجياتى

وكم اكره اللوحه المعلقه على الحائط

ما بعد لفافتى الثاثله

اشعر انى قديس

لكنى حتما لا املك لحيه

او كما اتخيل

بعد اللفافه الرابعه

اماه

فلتوقيظينى فى الصباح

.....

ايها الراقدون تحت التراب

فلتفسحوا لنا الطريق

قادمون

قادمون

انا المصنوع من قهوتى المرة وتبغى الرخيص.. اعلن انى

ساموت

حينما اشعر

ان موتى لن يحزنك



• يموت الاعزب ميته كلاب اما المتزوج فيعيش عيشتها

• ذات يوم نسيت ان اتنفس فكدت ان اموت




• لان العمر مختصرا فكم ستجنى ايها المسكين من اشياء مختصرة




• اننى انمو ببطء كمرض خبيث وليس لى علاج




• حبيبتى كم على ان اخسرفى هذا العالم...كى اربحك؟




• خطران لا يزالان يهددان العالم .... النظام... والفوضى
  

فلتمسكين من جديد

ذيل معطفى

ولتعزفين بمعزفى

عمياء انتى

لا ترين بداخلى

عمياء انتى

لا ترين

تصوفى

فحماقتى

ووقاحتى

ووضاعتى

زيفٌ كباقى قصتى

وحقيقتى

انى اعتدالٌ

فى ثياب تطرفِ

فلتمسكين من جديد

ذيل معطفى

تلج ..نبيت

دخان حشيش

وابتدى انى اعترف

ان قلبى

محبكيش

.....

هتصدقينى؟

صدقينى

متصدقيش

انا هعترف

انا قلبى اصبح اوضه مضلمه

وخوف مفيش

وعيال بتصرخ

وصوت مفيش

انا قلبى مل من السكوت

وعقلى مل من الحشيش

فتصدقى

متصدقيش

انا هعترف

مبحبكيش

انا برسمك خطوط خطوط
عنين
شعر
وشفتين
و خصلتين على الجبين
و البحر يرمى على الشطوط ألوان بتنشع عل الورق
أزرق ... بنفسج ... فسدقى ... اسود غطيس

اما القمر

حطيته جنبك

فاكتمل

اصبح عريس

انا برسمك

وحشانى فى السفر البعيد

بينك وبينى طيارات

وارسم دموعك جوا سلك التليفونات

ولما اعود

هدوب فى ضحكه غمازاتك عل الخدود

و ارسم فى أودتك شمعدان

ارسم لهيب الشمع بالورق المفضّض

تتنطط الالوان

ألقى السما فوق القماش

متلونه بالوان جواش

افرح انا

واحط شمس كبيره فى الناحيه الشمال

و زهريات الورد فى الناحيه اليمين

و سندوتش الجبنه فى ايدين العيال

و عينيكى وسط اللوحه بتقول لى ... باحبّك

تتجنّن الفرشه فى إيدى و ارسمك

على قيشانى الحمّامات

و ايديكى بترغّى الصابون فوق البدن

و الميّه تنزل فوق نهودك تشهقى

أشهق معاكى

و ارسمك فوق السرير

و اطفّى نور الأوده بالقلم الرصاص

أمين حداد سبتمبر 1984