تمثال طلعت حرب
وميدان على طول مليان باجانب
والناس ع القهوة نوعين
اللى يقابلك يرتحلك
واللى يشوفك يتكائب
تشرب حاجه يا بيه
بعد ما افكر بشرب شاى
شبعان يا فلاسفه وبمووت م الجوع
والشاى بيسود ف سنانى
وانا بعشق م النسوان
السمر
وسجايرى رخيصه
رخص البت القاعده بتشرب شيشه
ويا الواد ال عامل شعره معفن
وبيتكلم ف الشعر
قال ايه شغال ف الدستور
دستور يا صحافه
دستور يا ثقافه
وعليكى يا رجوله الرحمه
ودموع البت الهبله المولوده بتحب البحر
والتايهه ف قلب الزحمه
فينك يا حشيش
محتاج اسكر واعيش
واحب البت اللى اكون اول واحد ف حياتها
يا نجيب يا الاه الحكمه
متمتش
لسه بلدنا غرقانه ف غش
والفقر شعار الزمه
والهمه انك متعرصش
معلش
بكتب من غلبى الشعر
شبعان يا فلاسفه وبمووت م الجوع
وكلام الشعرا
مبيشبعش
20 التعليقات:
NO Comment !!!
فعلا حسيت انك بتكلم عنى
نفس الاحاسيس
حقيقى بوست رائع
على فكرة انت مرة كتبتلى رد فى مدونتى
على بوست اسمة الاغنية
بس شكلك كنت محشش زى عوايدك فمفهمتش ايه اللى انت كتبتة
ياريت و النبى تبقى توضحلى فى يوم تكون بكامل قواك الكتابية زى دلوقتى
لاء مدام فينا من ميدان طلعت حرب والقهوة وقال اية شغال في الدستور :)
يبقى احييييييييك
دستور يا اخوانا على رأيك
عايزة اعلق ومش عارفة مش عشان مش لاقية كلام يمكن عشان مش عايزة كلامي يتقري من ناس كتير وبعدين نتحاسب
وقال منير يقولك اسكن بيوت الحزن لا يمكن
هو زي ما انت قلت بالظبط
مش عارف والله
بس انا حالا نفسي اضربك على راسك لحد مابتموت
بجد ومش مجرد تعبير
مع انك شخص حى او قصدى حلو
قصدى مزج بين حاجات بشريه من الصعوبه تواجدها ف شخص واحد بالوضوح ده
القصد
انا كنت عايز افلق راسك نصين فى تلات ضربات على الاكثر
ودم كتير
و
وصرخات مكتومه منك لانك مش مصاب بالاندهاش عموما
ده طبعا بعد تحشيشي معاك
يوما ما
فينك يا حشيش
محتاج اسكر واعيش
واحب البت اللى اكون اول واحد ف حياتها
قلقان ليكون اللى قبلك احسن منك
انتا بنى ادم فاضى
لو كان عندك ثقه واحد فى الميه
كنت كملت
نبيذ
كفايه تشريف سعادتك
qwert
مش فاكره
هابقى اروح عندك واسيبلك توضيح
لميا
كنت بسمع اسامه منير امبارح
مبحبوش على فكرة
كان بيقول اللى يخاف مينزلش من بيته
الكنبه الحمرا
اظاهر يا بل نهم شايفنا احنا اللى مرضى نفسيين
على فكرة اللى ابوه فلاح بيخش الجنه
وانا ابويا صعيدى
المجهول
انا قلقان ليكون الاولانى اديها مفهوم غلط عن الرجوله
فتستنا منى اللى مش عندى
نورت
أحلي ما ف كلامك انه بيوجع
يمكن عيبك
انك فاهم اوى
عينيك بتبص لجوا
حد يسمع اسامة منير اصلا؟
او يسمع كلامه
ما علينا اللي يخاف مينزلش من بيته بس مش مسالة خوف
مسالة تجاهل لبعض اصحاب العقول المريضة
لو حصل واتكلمنا تاني صدفة اكيد حقولك تعليقي
فى ناس كتير مقرتش كتاب فى حياتها بس لخصت الحياة فى كلمة
محدش عارف حاجة
وبعد عشر سنين من عدم الفهم انا كمان هقول محدش عارف حاجةو هحاول اقنع نفسى انها كلمة مريحة عشان متعبش اكتر من كده
عارف ليه البت الهبلة بتحب البحر؟
علشان حضنه واسع وحنين وبيستر..مبياخدش الناس لحم ويرميهم شعر
عارف ليه البت الهبلة رضيت بحب انصاف الرجال؟
علشان اتورطت من زمان اوى فى احلام مجهضة فى بلد قاعدة ع الخريطة وفاتحة رجليها عشان ربك خلقها كده وهتعمل ايه فيها
احنا فى عصر المعجزات يا محمد عشان انا لسه بعقلى
تخيل ان لذعة السجاير الرخيصة تبقى احلى حاجة فى يومك
تخيل
انا مش بكرهك على فكرة
وكلام الشعرا مبيشبعش
فكرتنى بشاعر كبير بس أعتزل
كان دايما يقولى يابنى
الشعر بيجيب الفقر
الغريبه انه وهو نايم بيخطرف بالشعر وبقصايد عايز يكتبها..أنا بحبه جدا لأنه أبويا وشكلى قريب هسمع كلامه
على فكره أنت شاعر خطير وأحلى حاجه فيك أنك بترصد التفاصيل صح
مدونتك عجبانى جدا
نصيحه من أخ خد فتره بلاش حشيش
اقرا علم نفس ونفسن يادوك
ولا يهمك
انت
معجون فى وسط البلد
عجنه كل الشباب المثقفين
بأختصار لم نفد نتغنى بالريف ولا بالمدينه
وسط البلد سحرها غوايه
طب
انت
تفتكر
اية .........؟
عزيزى
بلاشك اننا فى زمرة الراحلون
بص
انا كتبت اكتر من تعليق و مسحتة
لانى مبحبش ابقة مش تلقائية..انا بكتب دلوقتى اللى جة على دماغى فورا..انا معرفتش اعلق يمكن لانى حسيتك صاحبى ..لو صاحبك قالك حاجة عارفها و حاسسها و شايفها زى ما هو شايف مش هاتفكر تعلق
هاتسكت و تبتسم و تهز دماغك.
مبسوطة بزيارتى
تحياتى
و لأنك صاحبي من زمان
و رفيق كفاح قديم
أحب أبلغك أني مبسوطلك جدا أنك رجعت تكتب زي زمان
ولو أني زعلان أنك بتكتب ولا تقوليش
ألله يخرب بيت الكلية اللي بتخلي الناس مش عارفة هية أمتى ولا فين
بالنسبة للقصيدة .. هية فعلا جامدة
ويمكن الجملة الوحيدة اللي ممكن أخدها عليها هية "شبعان يا فلاسفه وبمووت م الجوع" أول ما سمعتها قولت يييه قديمة .. بس لاقيتك لحقت نفسك بـ"الشاي بيسود فـ سناني" و اللي بعدها .... اسلوبك بيتطور يا صديقي و زي ما قلتلك قبل كدة : بقليل من المجهود .. أنت كان زمانك أحسن شاعر في مصر من زمااان ، بس أهه .. ليهم نصيب يتنططولهم شوية ^_^
هاشوفك أمتى ياد ؟
:)
عندك الفكره
وجبتها بشكل كويس
وظفت الفكره بشكل صح وطلعت كمان بشكل صح
المأخذ اللى عندى عليك انك بتستخدم كلام مبحبوش ده بشكل شخصى او بمعنى اصح مبحبش اسمعه خاالص خاصه بقه فى الشعر
انما
حلو الكلام
حقيقي
كلام الشعرا مابيشبعش
دوما في انتظار المزيد
تحياتي
يااااااااااااااااة
اخيرا بوست
؟
إرسال تعليق