CLICK HERE FOR THOUSANDS OF FREE BLOGGER TEMPLATES »

السبت، سبتمبر ٠٦، ٢٠٠٨

تعليقات 1


ولان عنيكى قليله الذوق


ولانى تعبت مناهده وانا وياها بعافر


خربان ومحشش


وعشان مش ناوى افوق


وعشانك


انا قررت اهاجر


....................................


البرد الناشع ف مشاعرى


وانا واقف وياكى تحت البيت


وكانى ف اول شهر


بيحسسنى


انى معدتش قادر اكدب على واحده


وانك سر الكون

....................................


برغم ارتعاشك


لما بتلمس ايديا خدودك


برغم الدموع لما تحسى انى بخونك


برغم...


- ياريت-


لما بقلك م تيجى نموت


برغم الزعيق ورغم السكوت


عشانك عايش كبوزى


خيال ماته عجوز



يلوذ بحيطه مايله


وحته بروز


يمكن بحبك


مش اكيد


يمكن يجوز


..................................

ولقد ذكرتك والسيوف نواهل منى

وبيض الهند تقطر من دمى

فوددت تقبيل السيوف لانها

لمعت كبارق ثغرك المتبسم
०............................
سيدتى

اشياء تلزمنا الصمت

واشياء تلزمنا الموت

وتظاهرك بالنعاس حينما اكون محتاج لثدياك لطرد الملل

ضرب من ضروب اللامبالاه

وطقس من طقوس الغباء

فلنفترض

ان كان البحر الابيض ما بينى وبينك

فاكون انا روما

وتكونى بنت الاسكندر

هل يكفى سوار المعصم

ان يجمع ما بينى وبينك مخدع

هل تكفى كل بغايا الارض

ان يشفى رجلا متقوقع

فلنلهو

ولنركض ولنلعب

ما احلى اللعب على شاكله الضفدع

حين يكون

القفز الاجبارى ضرورة

وتكونى انتى ورده نيل فى مستنقع
...............................................


عاقبه



........



لارحمه



لا شفقه



الحكم قبل المداوله



اعدام



فلنتداول



فى كيفيه وضع الحبل على عضلات الرقبه



......................



رؤيه



.....



حين اخبرتك



انى لا اؤمن بالنهايات المحكمه الاغلاق



تورايتى خلف ابتسامه مستنكر



واجبتى



الارتطام نهايه كل انزلاق



......................



حدث



........



كنت نبيك



يِطرب قلبك



-عند الحب-



عنادى



كنتى بلادى



اما الان



لن تركض- عند الحرب- جيادك



خلف جيادى



........................



اشتباه



.......



لن تحترق



لا شىء فوق الغضب



وانى احب الرجل الغاضب



رجل يشبه غضبى



لكن حتما



ينفر كل المتشابه


يتباعد



يفترق



..............................



صفعه



.......



ابوك مش هيرد عليك



مش سامعك



ابوك مات



مات



(من فيلم اسف على الازعاج)



.................................



حقيقه



.......




يولد رجلا


من يولد


من رحم الازمه


السبت، أغسطس ١٦، ٢٠٠٨

بكتب وخلاص


على قهوة ف شارع جوايا
سال الجرسون





تشرب حاجه؟

شبعان م المر

......................................


زهقان يا اخوانا م الشرب الاجبارى

وانا عارف ان مفيش اختيارات
ولذالك انا بائس

وحكايتى حكايا رايح جاى

مكتوبه عليا
ومرارى سكر ناقص

وانا حاسس عمرى بيدَوَب ف كبابى الشاى

وعشان مش لاقى عنيكى ف جيب مريلتى

انا يائس

وهاسيب الجته الشقيانه
للموج
لجلن ما تحفَر صورتك

على جسمى الناشع ملح
فلعل ويمكن افوق

الجرح
سعات بيكون بارد

مسدود

وسعات بيخر

واما بشوف على سور البحر سرابك

بتجالد وببطل ضحك

وببطل شعر ف سدرك

يا اللى بزازك عاملين زى الرمان

انا عارف ان الشعرجبان

وانا شاعر بس قليل الذوق

وبقول الشعر ف كل الناس
وحبيبتى عبيطه

بتقوللى مسكر طعم الخوف

وانا عمرى ما باكل قبل ما ادوق

عاوزانى اوصف من غير ما اشوف
..

...............

صديقتى الحزينه دوما


اما بعد


ذات حزن قد نموت


فتعالى


نكتب بعض من ابيات قصيده


تخلد خلد الملكوت


فلرب الحزن يصاب بداء السرطان


ولرب الحزن يمووت

الخميس، يوليو ١٧، ٢٠٠٨

مفتتح


الليل والنيل وعنيكى

وقصايد شعرى

وسجايرى اللف

الخمسه الدنيا وما فيها

ومحدش بيلم الدنيا ف كف

فانا اسف لو مقدرتش اكتب عنك

او مسمحتش ان مشاعرك

تتزف

....................................

الخميس، يوليو ٠٣، ٢٠٠٨

وجهات نظر

حاولت اشعال النيران بكل الطرق المتاحه
بدءا بالزلط
وانتهاءا بالولاعات الكليبر الفرنساوى
لكنها محاولات باءت دوما بالفشل
وانتهيت الى اننى يجب ان اعمل على تجفيفها قبل محاوله اشعال النيران
فقد ظلت واقفه تنتظر الفجر تحت شلالات نياجرا الحالكه السواد
..................................
اكتشافاتنا تحيطها دوما هاله من تجاربنا الغير ناضجه
والتى تعيق الرؤيه الليليله
وبعد انجلاء الهاله نكتشف ان ما اكتشفناه كان سرابا
وان الهاله كانت تحيط بالفراغ
وربما ....
.....................
ملحوظه
وانا بكتب البوست قاعد بحشش انا وواحد صاحبى وبنحاول نبقى مش فاهمين حاجه
وبنتكلم عن معنى راس الموضوع
بين قوسين هلاوس قرائيه
هو بيقول ان العنوان دعوة للقراء الاعزاء
ان يقرو اى حاجه وخلاص بين قوسين بردو
اى حد بيقول اى حاجه واى كلام
بيتقال
..................
انا من هواه الاحلام الدراماتيكيه
الواضحه التفاصيل
الدقيقه الملامح
وحينما تكتمل كل التفاصيل ويقترب حلمى على الاكتمال
تبدا تفاصيله بالانهيار الخلوى
وتصاب بالسعار
وتاكل التفصيله البرئيه التفصيله الشيطانيه
فى معركه البقاء للاقوى
ويصاب الحلم باللوكيميا
بين قوسين
ابويا مات باللوكيميا الفاتحه يا اللى بتقرا البوست
................................................................................
وحينما يموت الحلم يتكون حلم اخر وتنمو تفاصيله فى الميدللا اوبلنجاتا
(اهم قطعه فى المخ واللى دايما بتيجى فى امتحان الفسيولوجى)
بين قوسين تانى
اصحابى اللى هيقرو البوست دلوءتى هيعرفو انى محشش طينه وانى ابتديت اهطرس
.......................................................................
تولد وتتكون احلامى دوما وانا مستقل اخر عربه مترو فى القطار المتجه الى محطه متروفيصل
حيث تقطن الكليه العتيقه
وتموت وانا فى اخر عربه مترو فى القطار المتجه الى محطه شبرا
متكئا على الباب الغير مواجه للرصيف المحمل بالعديد ممن يطلقون عليهم اسم البشر
غير مكترث بتلك المقاعد التى تخلو من ماليكها
فانا لا اهوى مقاعد القطارات الكثيرة الوقوف
الغير مبطنه بالاسفنج المكسو بجلد الثعابين
والتى يتمتع بها ركاب قطارات المترو
...........................................................
ايه اللى انا بقوله ده
والنعمه محشش يا بنى ادمييين
..........................
اكتشفت الان اكتشاف مهم جدا
ابدا حديثى بالحديث عنك
واقحم نفسى فى الحكايه
واكمل الحديث فى الكلام عنى
........................
يفرحنى صوتك الهامس
اسرح لما نتهامس
ف صوتنا لما يتلامس
ويسرقنى نغم هامس
ويحلالى
معاك
..............................................
بتقول ايه يا منير يخرب بيت عقلك
والله اى كلام بيتقال ممكن يتغنى
واى كلام بيتكتب ممكن يتقرى
....................................................
حينما اتحدث مع اى انثى
اكتشف فى النهايه اننى اتحدث معك
او هكذا يخيل لى
راجل صاحب مبادىء
......................................
كم اكتشفت كثيرا
انى اصلح للوقوف داخل عربه مترو مزدحمه
ولا اكون ملفتا لاى احد يحيط بى
وكل من يحيط بى يساوى فاى
وكم اكتشفت اكثر انى اتنفس الفلسفه

الثلاثاء، يونيو ١٧، ٢٠٠٨

هلاوس قرائيه

حينما يتكون الصقيع بداخلى
وتكونين انتى مصدره
فهذا معناه انك انثى تدعى النبوه
وانى صبات
****************
للانتظار طعم الياس
ولون الفجيعه
ورائحه العفن
*********************
مفيش اصطباحات
انت مش قلت انك مبطل
انا عيل يا عم
امال هارينا انا صاحب مبادى انا صاحب مبادىء
مبداى ان اى قرار اخده مش قرار نهائى وقابل للتعديل والتغيير
**************************
كان حلما
ان تكون نهايتى
صريعا فى مجاهلك
وان يكون شاهدى
ما بين ثدياكى
وبين واهمك
كان حلما
ان اراقصك
وانتظرتك
انتظرتك
لكننى اكتشفت
مصرعك
***************************
احيانا
والبحر يصب بعينيكى
اشياء من ذاتى
اتلهف للموت
كى تصبح عيناكى قبرا لرفاتى
.............
احيانا ياتى
واكون على موعد عشق مع اخرى
فاموووت
.............
عذرا
قد لا تصلح عيناكى قبرا
...............................
تشعرين بالفضول
واشعر بالخجل
تشعرين بالاثارة
واشعر بالملل
ما بينك وبينى
ما بين الحادى وبين الجمل
*******************************
ان تستمتع بكل لحظاتك
وان تحاول استخراج مواطن الجمال فى كل افعالك
وتصرفاتك
هو ما يثبت انك سوى
********************************
حينما تكونين راقده مابين ذراعى
تستخدمين صدرى كوساده
لن اسمح لك بالحديث
فقط ستسمعيننى
حتى يغلبك النعاس
********************************
مش عارف ليه شايف انها لو بقت صايعه هتبقى احلى
خصوصا لوكنا هناجر شقه قانون جديد فى بارس
على شارع الشانزلزيه الرئيسى
ونضيع كل فلوسنا انا وهى على الحشيش والبيرة
ونحوش عشان نشترى البارفانات الاوريجينال
ونسافر نقضى اليار اند على قهاوى وسط البلد
ويتيريق المصريين على جزمنا اللى
بقالها عشر سنين بتلف معانا الدنيا
وشعرنا اللى عمرنا ما اهتمينا بيه
وسنانا اللى الشاى مديها اللون الاصفر المقدس

الخميس، مارس ٢٠، ٢٠٠٨

رباعيات


قلبك وقبرى
توامين
وانتى والموت وجهين لعمله
هتوضا
واصلى للحزن ركعتين
وانتحر
..........................

الأربعاء، مارس ١٢، ٢٠٠٨

احد روائع الكف اللى شرف بيها مدونتى

اولا _امتع لحظة ف حياتك هى اخر لحظة ف حياتك(مش دة برضة كلامك)
ثانيا_مشكلة السرير دى مشكلتك لوحدك ...
مش مهم الكلام_المهم انك تعرف تقضى المصلحة
_ثالثا_يا عم لما تبقى خربان ابقى احدف اى حاجة _مش كدة _
رابعا_ماركس و لينين و نيتشة و هيجل و البنا انا بتهيالى الناس دى
_مش لاقى كلام اقولة عليهم _
طبعا مش من كتر اعجابى بيهم
لا
انت عارف رايى ف العالم اللى زى دول
_رايى ان الناس دول كانوا فاضيين _و مش لاقيين حاجة تشغلهم
خامسا_عبد الناصر _اللة يرحمة السادات _اللة يرحمة الناس دول يابنى اييييييييييييييييييييية فين ايام زمان
سادسا انت عارف ومش محتاج اعيد و ازيد
_اذا ذهب راسبوتين ।فكلنا راسبوتين
_اخيرا_قلتك 100 مرة ابقى باصى اى حاجة لاخوك
_مش كدة خالص_
4:20 م
حاولت انى اظبط الكومنت املائيا بس مرضتش
دى ملحوظه لكاتب البوست يا جماعه
ده كومنت لصاحبى وعشرة سبع سنين معاناه فى الكليه كان كتبه تعليق على بوست ليا كان اسمه الخروج عن النص
دى ملحوظه لقرائى الاعزاء بما فيهم الكف
البوست ده ممكن تعتبره هديه

السبت، فبراير ١٦، ٢٠٠٨

احاول الكتابه كما كنت اكتب



تمثال طلعت حرب

وميدان على طول مليان باجانب

والناس ع القهوة نوعين

اللى يقابلك يرتحلك

واللى يشوفك يتكائب

تشرب حاجه يا بيه

بعد ما افكر بشرب شاى

شبعان يا فلاسفه وبمووت م الجوع

والشاى بيسود ف سنانى

وانا بعشق م النسوان

السمر

وسجايرى رخيصه

رخص البت القاعده بتشرب شيشه

ويا الواد ال عامل شعره معفن

وبيتكلم ف الشعر

قال ايه شغال ف الدستور

دستور يا صحافه

دستور يا ثقافه

وعليكى يا رجوله الرحمه

ودموع البت الهبله المولوده بتحب البحر

والتايهه ف قلب الزحمه

فينك يا حشيش

محتاج اسكر واعيش

واحب البت اللى اكون اول واحد ف حياتها

يا نجيب يا الاه الحكمه

متمتش

لسه بلدنا غرقانه ف غش

والفقر شعار الزمه

والهمه انك متعرصش

معلش

بكتب من غلبى الشعر

شبعان يا فلاسفه وبمووت م الجوع

وكلام الشعرا
والله
مبيشبعش