CLICK HERE FOR THOUSANDS OF FREE BLOGGER TEMPLATES »

السبت، سبتمبر ٠٦، ٢٠٠٨

تعليقات 1


ولان عنيكى قليله الذوق


ولانى تعبت مناهده وانا وياها بعافر


خربان ومحشش


وعشان مش ناوى افوق


وعشانك


انا قررت اهاجر


....................................


البرد الناشع ف مشاعرى


وانا واقف وياكى تحت البيت


وكانى ف اول شهر


بيحسسنى


انى معدتش قادر اكدب على واحده


وانك سر الكون

....................................


برغم ارتعاشك


لما بتلمس ايديا خدودك


برغم الدموع لما تحسى انى بخونك


برغم...


- ياريت-


لما بقلك م تيجى نموت


برغم الزعيق ورغم السكوت


عشانك عايش كبوزى


خيال ماته عجوز



يلوذ بحيطه مايله


وحته بروز


يمكن بحبك


مش اكيد


يمكن يجوز


..................................

ولقد ذكرتك والسيوف نواهل منى

وبيض الهند تقطر من دمى

فوددت تقبيل السيوف لانها

لمعت كبارق ثغرك المتبسم
०............................
سيدتى

اشياء تلزمنا الصمت

واشياء تلزمنا الموت

وتظاهرك بالنعاس حينما اكون محتاج لثدياك لطرد الملل

ضرب من ضروب اللامبالاه

وطقس من طقوس الغباء

فلنفترض

ان كان البحر الابيض ما بينى وبينك

فاكون انا روما

وتكونى بنت الاسكندر

هل يكفى سوار المعصم

ان يجمع ما بينى وبينك مخدع

هل تكفى كل بغايا الارض

ان يشفى رجلا متقوقع

فلنلهو

ولنركض ولنلعب

ما احلى اللعب على شاكله الضفدع

حين يكون

القفز الاجبارى ضرورة

وتكونى انتى ورده نيل فى مستنقع
...............................................


عاقبه



........



لارحمه



لا شفقه



الحكم قبل المداوله



اعدام



فلنتداول



فى كيفيه وضع الحبل على عضلات الرقبه



......................



رؤيه



.....



حين اخبرتك



انى لا اؤمن بالنهايات المحكمه الاغلاق



تورايتى خلف ابتسامه مستنكر



واجبتى



الارتطام نهايه كل انزلاق



......................



حدث



........



كنت نبيك



يِطرب قلبك



-عند الحب-



عنادى



كنتى بلادى



اما الان



لن تركض- عند الحرب- جيادك



خلف جيادى



........................



اشتباه



.......



لن تحترق



لا شىء فوق الغضب



وانى احب الرجل الغاضب



رجل يشبه غضبى



لكن حتما



ينفر كل المتشابه


يتباعد



يفترق



..............................



صفعه



.......



ابوك مش هيرد عليك



مش سامعك



ابوك مات



مات



(من فيلم اسف على الازعاج)



.................................



حقيقه



.......




يولد رجلا


من يولد


من رحم الازمه


8 التعليقات:

kafrawy يقول...

الناشع - بزازك - يلوذ


احتقرك

\
\
\
\

-حقيقه


.......



يولد رجلا

من يولد

من رحم الازمه


- احترمك

تحياتى يا بيه
مازالت الفاظ قذرة كالعادة

LAMIA MAHMOUD يقول...

اني اعلق على تعليقات
مش عارفة
انت بتلمس صح يا ابني

محمد سلامة يقول...

هو مبدئيا أنا حبيت الفصحى أكتر و ده فيك من أيام ( دم جف ) بس عندي ملاحظات تكونت من القراءة الأولى
أولاً
ضيقتني جدا كلمة ( بزازك ) و خرجتني من المود و خلتني أقرا و انا خايف تقابلني تاني و خصوصا إن انها مش متوظفة صح يعني ممكن نستخدم أحط الكلمات و أبشعها بس بصياعة و في مكانها و ساعتها هتبقى قنبلة زي قصيدتك اللي مطلعها ( تمثال طلعت حرب ) في المقطع اللي بيقول
يا نجيب يا الاه الحكمه


متمتش


لسه بلدنا غرقانه ف غش


والفقر شعار الزمه


والهمه انك ( متعرصش )


معلش


بكتب من غلبى الشعر

رغم انها كلمة قبيحة في قاموس الحياة اليومية لكن اتركبت في السياق صح و مهد ليها حضور نجيب سرور في القصيدة
ده ماشي مقبول لكن الكلمة التانية وقعت منك يا برنس
ثانيا

هل تكفى كل بغايا الارض

ان يشفى رجلا متقوقع

حاسس أن الجزء ده مش متركب لغويا صح
هل تقصد
هل تكفي كل بغايا الأرض أن تشفي رجلا متقوقع
ولا قصدك
هل تكفي كل بغايا الأرض كي يَشفى رجلُ
متقوقع
ثالثا
في بيت عنترة
ولقد ذكرتك و الرماح نواهل مني
مش السيوف
و
يولد رجلا من يخرج من رحم الأزمة
مش
من يولد من رحم الأزمة
لمحمد مصطفى
رابعا
في صور كتير عجبتني جدا
منها على سبيل المثال و ليس الحصر

فلنفترض

ان كان البحر الابيض ما بينى وبينك

فاكون انا روما

وتكونى بنت الاسكندر

..............................
كنت نبيك


يِطرب قلبك


-عند الحب-


عنادى


كنتى بلادى


اما الان


لن تركض- عند الحرب- جيادك


خلف جيادى

و أخبرا
الوزن يا شاعر
على فكرة يا عمران أنت بجد بجد و الله شاعر جامد و انا عارف أنك مش مركز لأسباب الحياة و لو كنت كملت بتركيزك الشعري لما كنا في الجامعة كنت بقيت شاعر تقيل جدا جدا جدا
ما تفتكرش انك لوحدك
أنا كمان مش مركز
و محمد عبد الحي مش مركز
و ناس كتير موهوبة بس مش مركزة
و اللي ركزوا ضاعت منهم الدنيا
الوظيفة الشيك و البيت السعيد و العربية اللي هموت عليها
ما علينا
في انتظار المزيد يا شاعر

vetrinary يقول...

الشاعر الراكد تحت الرماد
محمد بك سلامه
اولا بشكرك على تعليقك اللطيف
ثانيا
ده مش موضوع ومش بوست
دى تعليقات انا كنت علقت بيها عند ناس
وانا مبكتبش لغرض الشعر بكتب بغرض النفسنه

ثالثا
هل تكفى كل بغايا الارض
ان يًشفى رجلُ متقوقع
رابعا
اغفر لى ضعف ذاكرتى
وقله تركيزى
خامسا
الزهايمر والمخدرات مع بعض بتعمل اكتر من كده
اخيرا
مش هنشوفك بقى يا معلم

Blank-Socrate يقول...

ما اذكرة انك لازع فى تعليقاتك
:)
اسف و لكنه واقع

سمير مصباح يقول...

اول زيارة ليا
وبجد
كان لازم ازورك من زمان
اسف لتأخيرى
انا الخسران

لقيت فنان حقيقى
ودى بتكون احلى مفاجأة تحصلى

عموما شعرك مبهر عامية وقصحى
غنى وله رؤيته الخاصة ومتمرد
وده هو الشعر الحقيقى فى نظرى

رغم انك قلت انها تجميع لمقتطفات غير انى لم استسغ تداخل العامية فى الفصحى
وطبعا ده لا يعيبها غير من وجهة نظرى الشخصية فقط
لان الامر فى النهاية ازواق واستساغة


احييك دون مجاملة

عين ضيقة يقول...

مش عاجبانى ياعم

ــــــــــــــ

وانت مانجحتش فيها سواء قلت عليها اى شكل كتابى حتى لو نفسنة


ـــــــــــ
وانت عامل ايه؟

m.sobhy1990@gmail.com يقول...

إنت فين يامحمد؟