دم جف -
قال الراوى
دار ولف
جاب دروب المرض- الفقر
ينثر خدر زمان الخوف
يزرع فينا
دراكولا
..............
فى ظلمات الخط الفاصل
بين العقل
واللاعقل
فى اوكار الشر الكامن
داخل قبرٍ جافٍ رطب
يحوى الدود العفن المتخم
سوف نراه جحيما يحرق
عينا
نابا
مخلب
جوع
سوف نراه خيولا تصهل
تحمل نعشا
يزحف منه الموت الاسود كل مساء
ذاك الكونت
دراكولا
...................
حين يمر الناب الحاد وسط نسيج العنق المنهك
وسط غلاف الدم الدائر
تسرى النشوه داخل روحك
ينزع منك الحق-الواجب
تفقد ذاك الشئ الفج
المدعو غيرك
سوف تُمص
فينمو الشر
يكبر فيك
تمص الغير
ثم يحين الوقت لتغفو
كى تستجوب من مرااه الماضى المر
سوف تكون الصورة اوضح
تفقد ذاتك
..............................
صوت الساعه يعلن عن اقبال الليل
اسمع صوت الموت القادم
يغرس نابا داخل عنقى
تصحو داخل نفسى نفسى
ينمو داخل روحى شر
.............................
صوت الساعه يعلن عن اقبال الليل
ينعق صوت البووم
تبدا حمى الدم وتسرى
................
دم جف -
قال الراوى
دار ولف
ضؤ الشمس علاج الخوف
ضوء الشمس علاج الخوف
نسال كيف
كيف سننهى فينا الداء
نحن الداء
كلٌ منا
دراكولا
25 التعليقات:
فكرتها مرعبة ولكن مش لوجود دراكولا
ماتعرفش لو عاوزة اكتبلك اني سقفت لك اكتب صوت ايديا اللي وجعتني من وصلة تسقيف اكتر من دقيقتين ازاي؟!!!!!!؟
..........
ايه الفكرة الرائعه دي.......والربط الاروع بين الخيال والحقيقة؟!!!!!!!؟......أنت حللت أوضاع كتير بفلسفه تشد ومن غير ملل
بجد بحسدك علي الفكرة وعلي القصيدة وعلي دماغك
touch wooooooooooooooooooood
تحياتي جدا جدا جدا
علي فكرة:العنوان تقله واستغرابه هو احد اسباب عبقرية القصيدة لانه اتحول جواها لعمود خرسانه شايل فكرتك علي اكتافه
الله الله
ايه الموسيقي الجباره دي
برافو برافو
الاسقاط لسه هقراها مره كمان عشان اركز فيه قوي
بس ادبيا
برافو
The language cannot be an impediment to the of clarification so that a terrorist as Bush can continue to lie
لغة لا يمكن ان يكون عائقا امام توضيح ذلك ان الارهابي بوش ان تواصل الكذب
جميلة جداً
تحياتى ليك
يااالهووووى عليك ايه ده
فظييييع
انا صقفتلك زة قصاقيص على فكرة
انت ازاى ملكش ديوان كامل
اطلع على ميريت يا معلم
الجميل هوا اكتشافي المتأخـر ليـك ، أنا سعيد بيك فعلاً ، وبتمكنك ف الشـعر بهذا القدر . . .
أنتم الناس :) ، صحيح يا أخي !!
زي ما مي قالت ، فعلاً ربطك بين الخيال والحقيقة أروع . . .
خااالـص تحياتي
و .... إيه ؟؟؟
اية دة بقيت شاعر يا عم
وحبايبك كتروا اوى
ابقى افتكرنى بقصيدة
و لا اى حاجة..............
kfkf
بجد من اجمل ما قرأت الفتره الاخيره
قلمك له نكهه مختلفه تميزه عن غيره
تقبل تحياتى
انا جتلك بيتك هنا علشان نعرف نتكلم
اولا كلامك بجد رائع
واسلوبك في معالجه الواقع وشرحه بالخيال فيه ابهار بجد
تسلم ايدك
ثانيا الف مليون شكر علي النقد البناء الي قولته وصدقني انا عملت بنصحتك واضفت كلمه تانيه لعلها تخفف المعني شويه
بس فيه حاجه عايزه اوضحهالك
ان دا خيال
يعني كلمه اله هنا مش مقصود بيها الله
عارف زمان الروايات القديمه الي كانتت بتتكلم عن بوسيدن
اله البحر
وفينوس اله الجمال
اهو دا كان قصدي
والحمد لله انا مسلمه واعرف ربنا شايفه انها مفيهاش حاجه
يمكن غلطت اني كتبتها اله لوحدها
ودي عندك حق فيها
ومقدرش اغلطك
الي عايزه اقوله انك متحكمش علي علاقه حد بربنا من خلال كلمات بيكتبها او من خلال لوحه راسمها
والا اكيد هحسبك علي اللوحه الي في احمد العايدي
من وجه نظري هقول انه فن وكل واحد حر
ومن وجهه نظر اي حد تاني ممكن يدخلك
هيقول انك معندكش علاقه قويه مع ربنا
او مش مسلم ومتعرفوش علشان مينفعش صوره زي دي تكون حاتطها
ودا طبع اكيد واثقه انه غلط
بس اهي احكام بنطلقها علي بعضينا
ويا تكون صح يا تكون غلط
المهم
ياسيدي
بجد انا سعيده بزيارتك
ومش زعلانه ابدا من الكلام الي قولته
بالعكس والله
والدليل اني هكون زائره دائمه لمدونتك
لو تقبل
تحياتي اخي الكريم
السلام عليكم
بوست جميل
حضرتك فنان
الراجل ده اتظلم
راجل غنى
مبيحبش الاجتماعيات
بيعشق العزله
البشر الاغبيا نسجو حواليه الاساطير وبقى رمز للرعب
نبيذ
منورة المدونه
قصاقيص
ربنا يخليكى ده اطراء انا بشكرك عليه
على فكرة
الصورة اللى فى البروفيل شبه مودك اليومين دول
متنسيش تبقى تغيريها
سلامه\
ربنا يخليك يا دكتور
انتا بردو حد جامد
المتدارك عامه الموسيقى بتاعته عاليه اوى
بس انا اليومين دول مبقتش احب الموسيقى العاليه
عشان بتشتت الانتباه
شايف ان امل دنقل عمل نقله فى الموسيقى الشعريه
لغايه دلوقتى انا مش عارف اكتشفها
متهيالى موسيقى اللفظ
مش موسيقى التفعيله
نور
انا بكتب لنفسى ولصحابى
مش عاوز اتشهر والكلام ده
وبعدين نفرض انى عملت ديوان مين هيشتريه
صحابى
ههههههههههههه
مش هتفرق كتير
ابراهيم معايا
انا مش فاهم السؤال الاخير
ايه؟؟؟
تقصدى ايه
ما علينا
رايك اعتز بيه يا هيما\
ربنا يخليك منورة البلوج يا باشا
كفكف
صديقى ....اخبارك؟
الحيطان بتاعه الفيلا بتاعتك
اشتكت من اللى احنا عمالين نكتبه عليها
عاوزين نلم ونبيضها
عالمى ازرق
ربنا يخليكى يا سكر
وابقى نورينى دايما
جوهينه
gohina
بعد التعديل
الموضوع كده اوضح
من حقك تكتبى
من حقى اعقب على كتابتك واقول راى\
انا بردو كنت كاتب حجات انا بعتبرها سقطات
بس لسا موجوده
بخصوص الصورة اللى فى بوست العايدى
انا مستعد انى اشيلها لو انتى عاوزة
انتى تامرى يا جهينه
واتمنى طبعا انك تنورينى دايما
اولا ميرسي علي السؤال
اول مره قريتها وانا مكتئبه اساسا فاتخنقت زياده بس رجعت قريتها تاني
علي فكره انت من الناس اللي بيفهمو لدرجه تخوف .. وتفهمك الشديد دا بيوصلك لدرجه عاليه جدا من الاحساس
حظك حلو انك بتقدر تعبر بالطلاقه دي :)
أولاً يبدو إني لم أخطيء لما قررت أزور الصفحة بتاعتك
شكراً جزيلا لتعليقك عندي أولا
وشكرا ليك ثانيا عشان خليتني جيت وقريت النص ده واستمتعت بيه
فكرة القاتل الضحية والعكس الشغل عليها هنا كويس أوي
واستخدام المفردات علشان تخدم الجو العام وفكرة النص ككل كان أكثر من رائع
وأكيد انت تعمدته مش جاي قدراً يعني
موسيقى النص جميلة موحية مقبضة حسيت فيها بتكات الساعة
لكن
معجبتنيش المباشرة (واسمحلي اقول الفجة)في اخر سطر
انا فاهمة انها نقطة التنوير لكن السطر الاخير اللي هو"كل منا دراكولا"خلاني في حالة اني استمتعت بالنص أيوة لكني مش هقراه تاني أو على الاقل لو اقراه تاني هتجاهل اخر فقرة في النص لاني فهمت وعرفت النهاية
كان ممكن تكتفي بجملة نحن الداء
كان برضو القاريء هيفهم ان دراكولا ماهو إلا صورة لضحاياه اللي هما بدورهم دراكولا برضو
طبعا في الاول والاخر ده راي شخصي بحت وربما اكون غلطانة فيه كمان
انما تبقى نقطة اني فعلا استمتعت بالنص الى ابعد الحدود فتحياتي ليك
الملكه
انا سعيد انك جيتى عندى وقريتى القصيده
اولا ربنا يخليكى على الكلام الجميل اللى انتى قولتيه فى القصيده
ثانيا
انا معاكى ان المباشرة
بايخه اوى اوى
بس
القصيده دى كتبتها من فترة مش صغيرة
لو كنت كتبتها اليومين دول اكيد مكنتش هكتب السطر الاخير ده
فين الجديد
ولا الكسل هو الجديد
:)
حلوة
بس بصراحة موصلتنيش من اول مرة
حلوة جدا
جدا
تحياتى
انا جايه بس امسي عليك
اما بخصوص الصوره
فانا مش زعلانه منها
ومتفهمش كلامي انه هجوم عليك ابدا
انا بس بوضحلك ان فيه وجهات نظر مختلفه كل واحد بيبص للحاجه بطريقته
وطبعا من حقك يا باشا انك تعلق وتقول رائيك وتنتقدني كمان
وعمري ما بزعل ابدا
وفي الاخر برضه انا هغتت وامسي عليك يا سيدي
تحياتي
بجد الله.. اول مرة قرأتها كان يوم 16 ابريل، و بعد كده.. فكرت فيها.. قرأتها مره تانية يوم 20 ابريل.. و برضه فكرت فيه..قرأتها يوم 24 أبريل ومن ساعتها بأفكر اعلق عليها إزاي.. الشيء الوحيد اللي ممكن أقوله شكرا أنك موجود لتكتب.. تحياتي. عز
سلامه
الامتحانات يا دكتور
الورده السوده
مش عارف
بس انا شايف انها سهله
لو فعلا مبتوصلش بسرعه انا اكتر واحد هابقى سعيد
المتبنى كان بيقول انه بيكتب البيت فى يوم عشان يتفهم فى شهرة
عين ضيقه
ربنا يخليكى
منورانى
johaina
مساء الفل يا قمر
ezz
ربنا يخليك يا معلم
انا سعيد برايك ده
عشان ده راى حد بيكتب
وحد عنده خبراتك
وانتا بجد حد جامد
حد باين انه بيحاول يوصل للحكمه
شكرا انك موجود لتكتب
احم احم
ماتعملنا بوست حلو كميل كدة وسط امتحاناتك
enta feen yabny
ghaib li7?
ana bas kolt asalem
القصيدة دي بالذات خلتني اقرر اتابع مدونتك علي طول..
القصيدة هايلة جدا
و مش عارف اذا كنت قريت قصيدة الدكتور يحي الرخاوي اللي بتحمل نفس الاسم ولا لا
بس لو ماكنتش قريتها ياريت تقراها
انا بجد منبهر ومعجب
تحياتي الحارة و احتراماتي
إرسال تعليق