يا اللى عاجبك انى بنزف
طز فيكى
وف شفايفك
طز فى القلب اللى عاشقك
يا اللى كنتى فيوم ملاكى
مش هسامحك
هانسى انك كنتى عمرى
هانسى انى كنت راجلك
لو قابلتك مرة صدفه
هانسى انى كنت عارفك
واعمل انى لسا شايفك
يمكن ساعتها
القى نفسى باسالك
لو سمحتى
الساعه كام ؟
ولا اقلك لا بلاش
يحسن اضعف لما اشوفك تضحكى
وتقوليلى الساعه نايمه
فانسى انى لسا بانزف
وارجع احلف
انى عاشقك
وانى راجلك
وانى ضلك
وان صورتك صورتى شف
يا اللى عاجبك
انى بنزف
طز فيكى
وف شفايفك
طز فى القلب اللى عاشقك
يا اللى كنتى فيوم ملاكى
صدقينى
مش هسامحك
28 التعليقات:
من الواضح يا دكتووووووووووووور
ان انت متقطع خالص
و صاحبتك مدياك
كرفة متينة
ادينى نمرتها و انا ممكن اصالحكم ع بعض
م الحق
هى كارت و لا خط؟؟؟؟؟؟؟؟
لا تصدق أعذار باليه
أقول هذة المقولة دائما لصديقتى المقربة هذة الأيام
لا عذر لبيع المشاعر أليس كذلك
بسيطة ومحسوسه أوى يا
vet
تهانينا
لقد تمت اضافتكم على قائمة مضايقاتنا اليومية
مبروووووك
انتظر فعرضنا لم ينته بعد
بالاضافة الى ذلك تم اضافة كل اصدقاءك المعلقين وروابط المدونات فى صفحتك الى القائمة ولا سبيل لالغاءهم :)
congratiolations
I have added Ur Blog to my daily bothering list
عجبتني قوي
وووجعتني قوي
الاحساس بتاعها عالي
حتى موسيقاها فيها كبرياء مجروح
تسلم ايدك
جميل كالعادة
القصيدة لذيذة وفيها فكرة جميلة وتعبيرات حلوة قوي وعجبني جدا
وان صورتك صورتى شف
انما من معرفتي الضئيلة جدا بالاوزان والكلام ده متهيالي ان في كسرة في الوزن في النقلة بين البيتين دول
واعمل انى لسا شايفك
يمكن ساعتها
تحياتي
ليه القسوة بقت سمة فى كل حاجة حتى الحب
مينفعش تقول بدعيلك من قلبى متشوفش تعذيبى
طظ..دى اخرتها يعنى
اللى يواجه جرحه بطظ ممكن فى يوم يجرح قلب
وعلى فكرة انت محستش معنى العجز عن ادراك الادراك ..ادراك
غير الصنف يا مزاجنجى
فين بقيت المشهد اللى تحت؟؟؟؟؟؟؟؟؟؟
يا دكتور اكس
انا هسميك دكنور اكس بدال ما انا مش عارفه اقولك يا ايه:)))
حلوة اوى يا دوك كالعادة
بحب تعبيراتك الجديدة
يا دوك
ده الميل بتاعى لو حبيت تضيفه لو محبيتش اوكى
banoota_3abita@hotmail.com
ومين يسامح الغدار
ومين يسامح الخاين
ومين يسامح المخادع
راجل كان أو ست
تحياتى على البوست الجميل
طز فيكى
...؟
ده قصر ديل بقى
عموما قصسده ظريفه مع تحفظى لكلمة طز فى حد يقول لواحده بيحبها طز
:)
تحياتى لك
طز فيك انت يا معلم.....................................................................؟
ياللى عاملى قرن و حياتك لوريك
اول ما قريت اول كلمتين افتكرت القصيده الخالده إكمنك قرعه انا حبيتك
-------------------------
سيبك
مزيكتك ده عاجباني اوي والله
اتعودت اني لما هقرالك يبقى في حد بيعزف ورايا بـ اله كده مستخبيه
هي كلها جميله والبيت ده :
يمكن ساعتها القى نفسى باسالك
في الاول حسيته تقيل عالوزن
بس قريته مرتين تلاته لحد ما اتنطق معايا كويس
جميله فعلا
طظ فيها
:)
أظنك هنا بتكلم نفسك عشان خايف تضعف
مش كدة؟
انا مبعرفش اسامح بس بحيي كل الناس اللي بتعرف تسامح و بقول تعرف ...مش تسامح و بس
تحياتي
kafrary
ده باعتبار انى محمود شحاته
وانتا محسن عز العرب
نبيذ
سعات بنلاقى نفسنا بنصدق حجات بنكون متاكدين انها محصلتش
وسعات مبنصدقش حجات احنا شفناها بعنينا
canntridof
تعليقين على بوست واحد
اسمى ده ايه؟
وبعدين بقالك كتير ما اتحفتناش من ساعه اخر بوست
هدى
ربنا يخليكى
ونورتى المدونه
yamen
ربنا يخليك يا باشا
اما بالنسبه للكسر اللى انتا بتقول عليه
فانا باكدلك ان ده مش كسر عروضى
هوا حصل بس نقله فى الموسيقى فودنك مخدتش على النقله دى
mariam
سعات القسوة بتبقى علاج للمجنى عليه
لما يكون الجانى سايب جرح كبير اوى فحياته
اذا صفعك عدوك على خدك الايسر
مقوله كانت تنتفع فى ما قبل العصور الوسطى
العين بالعين والسن بالسن
مقوله العصور الوسطى وما بعدها
اما بخصوص ادراك الادراك
فانا مدرك ان مستوى بديهتى بيبقى على قدى اليومين دول
وبفهم ببطء شديد اوى
بعد الامتحانات نبقى نتكلم فى الموضوع ده
nour
الجميله نور
الرجاله مدايقيين عشان المشهد اللى انا كتبته
وعايزنى امسحه
اوعدك انى احاول معاهم انى انزل باقى المشاهد
اما بخصوص الميل
فده حاجه تشرف اميلى طبعا
اه
بقلك
اغنيه كاظم يا ريت متغيرهاش
ياسمين
انا بقول كده يا ياسمين
بس للاسف برجع اضعف
r.r
امال عايزاه يقولها ايه
دورى على معنى تانى لكلمه طز
وانا اتحداكى لو لقيتيه
مجهول
no comment
احمد سلامه
منورنى يا دكتور بجد
والبوست الاخير انا قريته
بس مش عارف اعلق عليه
بوست عايز تركيز
انتا بتلاقى وقت منين تكتب
nada
ياه
مش ممكن اصدق ان فى حد ممكن ميسامحش
انا بحاول
بس مش عارف
باسجل اعجابى باسلوبك السهل فى الكتابه جميله جدا القصيده وواضحه ومباشره وم الاخر حتى كلمه طز على الرغم انها تبدو غريبه شويه بس مش شاذه واستخدامها يدل انك جرىء واللى يكتب عاميه لازم يكتب اللى ممكن الناس تقوله وهى بتعبرعن اى موضوع
تحياتى يا فندم وبالتوفيق
Thanks for you work.
My life is to make to exceed the barrier of the languages against the lie and the evil
الكلمات حلوة ومحسوسه اوي .. يعني موضحه الحاله بشكل مرعب .. الاسلوب بتاعك دا بيحسسني بحاله شبه حلاوة الروح زي ما بيسموها
اسمع يا طبيب: أمي الله يمسيها بالخير كانت بتقول: اللي ما يلبسنيش تاج فوق راسه ما البسوش .... في رجلي..
عز.
حلوة اوي
تصفيق حاد
دا بجد
ياعم يلعن ابو اللى يزعلك وطظين فيه كمان
dr_clever
هوا أنا ممكن أقول لك حلوة ، وكده ، بس تقريبًا هبقى بكذب عليـك :) ،،،، لأني حاسسها مش قد كده يعني ! .... طبعًا إنتا شاعر جميل ، وكل حاجة ، بس دي حسيتها عادية بعض الشيء ! ..........
.
.
لا سيما إن فكرتها شوية اتقالت كثير
ماشوفتش عندك جديد ! ، وتحياااااااتي برضـك
westtwest
شكرا ومتشكر على تعليقك
tona
جميل اوى الاطراء بتاعك
بس حاسس انك بتضحكى عليا
ezz
الله الله
ايه المثل الجامد ده
منورنى دايما يا باشا
عين ضيقه
ربنا يخليكى
بس حاسبى ايديكى توجعك
ابراهيم معايا
انا سعيد برايك
ومش كل حاجه كتبها المتنبى كانت حلوة
اى شاعر فى الدنيا
ليه ضعيف
ووسط
وجيد
الشاعر المتميز بنحكم على الجيد بتاعه
حتى لو كانت قصيده واحده
اما عن القصيده
فانا بكتب ليا
ومش مهم جبت جديد ولا مجبتش
ومش مهم مين يحس بيها او مين ميحس
المهم
اكون انا حاسسها
نورتنى
وشكرا على الزياره
دى بقى اللى بيسموها القصيدة المناسبة فى المكان المناسب
تسلملى بجد
مكنتش اعرف ان الناس بالكتابة ممكن تساعد بعضها
ممكن تحس ببعضها من غير ماتعرف
احنا ممكن نخفف جروح بعض
بس
لان جروحنا واحدة
انا بجد مش هقولك اكتر من انى كنت محتاجة اقرا كلامك
عشان قلبى يرجع يضحك تانى
بس تفتكر احنا كدة بنضيع كرامتنا؟
و اللوة يا دك
انا اكتفشت انى اقوللك حاجة
لفظ _طز_مش شايف انة سوقى شوية و لاينم عن اى معنى لغوى..........
حـلو الشتيمة اللي بالذوق دي ............
(( وش مطلع لســـانه ) ... ماااااشي يا عم الشــاعــــر ....
.
.
.
.
.
.
.
.
.
.
.
.
ز
على فكـرة بهـرج ، عبجني ردك ، وأتفق معاك فيه على فكـرة
تحياااااتي
إرسال تعليق