CLICK HERE FOR THOUSANDS OF FREE BLOGGER TEMPLATES »

السبت، مارس ٠٣، ٢٠٠٧


تلج ..نبيت

دخان حشيش

وابتدى انى اعترف

ان قلبى

محبكيش

.....

هتصدقينى؟

صدقينى

متصدقيش

انا هعترف

انا قلبى اصبح اوضه مضلمه

وخوف مفيش

وعيال بتصرخ

وصوت مفيش

انا قلبى مل من السكوت


وعقلى مل من الحشيش

فتصدقى

متصدقيش

انا هعترف

مبحبكيش


23 التعليقات:

Muhammad يقول...

hey garrab el bango

عباقرة الادب والشعر بيالو التراث
وتاريخ الانبيا - حاولت كتير اقرا الكلمة اللي بعد الشعر دي بس معرفتش

على فكرة: انا متكلمتش عن الموسيقى خالص

مفهمتش قصدك من الجزء الاول في الرد .. بس اللي استنبطته انك مختلف معايا في الرأي ------ لما نشوف فيلم معمول فنيا بصورة كويسة بس فيه مشاهد اصطلح على تسميتها خارجة .. ممكن المشاهد دي فنيا تكون معمولة بصورة كويسة جدا و داخلة في نسيج العمل .. و النتيجة انه يطلع فيلم مبهر ... لكن: هل ده معناه ان نفس المشاهد دي دينيا مش حرام؟

انا مش علماني - و الدين عندي ليه اولوية .. و دي بالظبط النقطة اللي بتكلم فيها - مفيش اي تعارض بين ان اولاد حارتنا تكون - ادبيا - قيّمة و دينيا لا تجوز .. تعتمد بأه على انت اولويتك ايه

صلاح عبد الصبور اعلن في "حياتي في الشعر" ان جت عليه فترة انكر وجود إله - لو كنت بتستشهد بعمالقة الادب في الحاجات اللي زي دي .. يبقى اوكى اتضحت الرؤية ... و امثلة كتير ممكن نضربها على الظاهرة دي اللي شاعت عند بتوع التفعيلة

كل كلامي ده على اساس اللي فهمته من كلامك, و كلامك مكنش واضح .. لو مكنش ده قصدك اصلا يا ريت تعتبر اني مقلتش حاجة

dr_clever يقول...

انا قلبى اصبح اوضه مضلمه
انا قلبى مل من السكوت
بجد
هتصدقينى
متصدقيش
حلوه اوى بجد يا فناااااااااااان

sara... يقول...

mesh ha 2ol hwlwa
bas hya 7elwa
btsdemny blehsas
sorry 3la elta7eer
kmputary bayeez
shayf bakteb b3zaab ezay

غير معرف يقول...

ههههههه أنا انسطلت وأنا بقرأ

أنا مش هاقدر أقولك قصيده حلوة
هى فضفضة مع النفس أكتر
بس فضفضة حلوة فى صراحتها واحساسها

كائن العزلة الكئيب يقول...

الاستفة كانت حلوة و لا ايه ؟
انا بهزر بس متفق مع نبيذ حاسس انه فيه استسهال و سعى ورا القافية
بس بجد نفسى اعرف الاستفة حلوة

عين ضيقة يقول...

ههههههههههههههه

يخرب عقلك يا مضروب

buffy يقول...

ok

raspoutine يقول...

دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له


وذلك يوم


الجمعه الموافق 9/3/2007


بدار الاوبرا المصريه


كوفى شوب الابداع


بجوار دار الابداع بداخل الاوبرا


والدخول للمكان من البوابه الخلفيه للاوبرا امام النادى الاهلى


والحضور بالملابس الشتوية


واوجه الدعوة خاصة الى الاخوات المدونات

ايمن فاروق

-_- يقول...

فكرة جديدة و بصراحة عجبتنى جدا

vetrinary يقول...

فريكيكو
انا بردو مش علمانى
من حقى ابص للاسطورة من اى منظور يعجبنى
ومن حقك تقبل او ترفض
على فكرة
جربته زمان
dr_clever
طول عمرك رافع راسى
متشكر يا معلم
بدعيلك تنجح فارما بس انتا شد حيلك

sara
عاش من شافك

نبيذ

ههههههههه
ده انا حى بتكلم عنك
انتى اللى عملتى فيا كده

كائن العزله
على فكرة كانت حلوة للدرجه اللى انتا قريتها دى


عين ديقه
انا مش مضروب
انا اصلى


buffy
don worry

raspoteen

الدعوة وصلت
اى خدمه


sharm

ربنا يخليك ومتشكر على الزيارة

sara... يقول...

ايوة كده عرفت اكتب اخيرا
ازيك حلوة على فكرة
فى احساس يلطش كده
بحب انا كده زى الشغف

الوردة السوداء يقول...

ضحكت ونا بقراها

بفرح انا لما القى حد بيعترف الاعترافات دى

ويصرخ ويقول انو محبش

تعالى نصرخ سوا

admelmasry يقول...

تسلم ايديك يا بني

هو الحشيش بيعمل الدماغ دي

لا بجد تسلم ايدك

علي فكرة

انا تشرفت بيك جدا جدا جدا
وياريت تبلغ سلامي لكل الشلة اللي كانت بتقعد تحت قبة القاهرة وتكتب شعر
تحياتي ليك

david santos يقول...

Hello, Vetrinary!
This work is very good, thank you
have nice wkend

Stangallina يقول...

Nice ,, bas leeh daim,an el ensan me7tag mokhadder 3ashan ye2ol el 7a2e2Z :) ??
leeh daiman 3awez yeb2a fe el la wa3y ,, 3ashan khater ye2ol elly howa 7asso begad ,,
lool
3ala el 3omom
,, ana bashagga3ak ,, we law ma3ak Segara 7elwa ,, eb2a 2olly :d
have a nice day

nour يقول...

يا بنى احنا فى مابينا توافق اصلا يعنى مخنارين نفس الصورة فى نفس اليوم الله عليك يا معلم
الحشيش مفتاح الصبر يا بنى:)))

LAMIA MAHMOUD يقول...

مش حعرف اقول حلوة .. ممكن اقول قاسية؟

35L يقول...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

hesterua يقول...

حلوة بجد

linda يقول...

المدونة بصفة عامة رائعة

اما الكلمات فإنتقاء مميز

لكن هنا يكمن السؤال؟
أتصدق انت ذالك؟أم تتمناها ان تصدق ذالك؟
عزيزي لا تزيد من حرقة قلبك بهده الكلمات فهي لا تزيد عن كونها وهما لا يبث لواقعك بشيء

أستيقظ فمن أحب لا يستطيع ان ينسى حبه
وانت تحب لمجرد كتابتك له بهده الطريقة المبدعة:)

تحياتي

vision يقول...

وعيال بتصرخ
وصوت مفيش
انا قلبى مل من السكوت
---------------------
تعبير صح صح صح اوى

بالنسبه للحشيش؟؟

ربنا يهديك يا ابنى يا ترى بتشربو طبيعيى بدون اضافات يعنى بيور ولا ايه اصللك لو بيور يعنى انت غنى ومعاك فلوس

بدل لمتشرب بيهم حشيش وتصرف وتبعزء سلفنى اى حاجه دنا مهما كان لسه بدرس ومحتاجه اجيب ملاااااااااازززززززن عالشان يمكن يمكن افلح

vetrinary يقول...

sara
عود احمد

الورده السودا
بصرة

ادم المصرى
متشكر على زيارتك يا معلم
على فكرة بودليير كان مدمن مخدرات
لما اقابل محمد كمال لازم اقله انه اتصيت والناس بقت بتقراله
وابقى نورنى يا معلم
david santos
thanx 4 that
its kind of u mr
i hop this 4 u 2
stangallina

انا شايف ان المخدرات هى الحاجه الوحيده اللى بتعمل نوع من انواع السعاده المؤقته اللى الشعب ممكن يعيشهاباختلاف طبقاته
يعنى قمه الاشتراكيه
ههههههههههههههه
والله التموين خلص
اوعدك اول ما اشترى هابقى ابعتلك اى حاجه فى مساج

nour

بقلهم كده محدش مصدقنى يا ستى

lamia

كفايه انك نورتى المدونه يا قمر
انا معلق عند خطيبك تعليق عاجبنى انا شخصيا
ابقى اقريه

linda

متشكر على زيارتك
احنا اللى بنعيش نفسنا فى خدع واوهام
والمشكله اننا بنصدقها
ولما بنفوق اللى حوالينا بيحاولو يعيشونا فى وهم اكبر
اللى بيحب مش بينسى والحب عمره ما بيموت
والكلام الفاضى ده
انا حبيت كام مرة
وفلان حب كام مرة
وعلانه حبت كام مرة
تفتكرى ممكن مننساش
انا نسيت ابويا يا ليندااللى مات من اربع سنين
مش هنسى واحده عشت معاها سنتين ولا تلاته

camera_girl

انا ممكن اشرحلك
لا ملازم ولا نيله
على فكرة انا بقالى اربع سنين وف سنه تالته
حلم حياتى انى ابقى طالب فى رابعه طب
هم يضحك وهم يبكى

Unknown يقول...

إيه يادكتور ؟

عايزة أعلق على بوست راسبوتين
ال
comments
مقفولة ليه ؟