خلويص
لسا
اصبر حبه
وكمان حبه
احنا خلاص راح نتخبى
واما نقلك غمض عينك
اقفل بالمفتاح والضبه
على ايامك
على احلامك
اصل سنينك قاسيه وصعبه
خلويص
لسا
عد لغايه عشرة وفتح
فتح عينك
تلقى العمر ما بين رجلينك عدى ومر
وكانك
ولاول مرة بتعرف نفسك
وكانك
ولا كنتش ف امبارح حر
العمر خطاوى بتتبعتر بين المشاوير
ايامك حواديت بتعدى
زى الدنيا
مره بتااخد
مرة بتدى
خلويص
لسا
حلمك نونو اوى وعبيط
كنت بتحلم بس ببيت
والبنوته تبقى معاك
لما تزيد الدنيا حمولها
تبقى دواك
تقسم جرحك
فرحك
مرك
حزنك
بالفتفوته معاك
حلمك نون اوى وعبيط
كنت بتحلم بس
ببيت
ولاعمرك كنت بتحلم تبقى الفارس
كنت بتحلم تمشى جنب الحيط
الحدوته خلاص خلويص
والبنوته جالها عريس
حد جامد اسمه سالم الشهبانى
3 التعليقات:
كلو كده
كلو كده
كلو كده
ماتزعلش قوى
فعلا خلاص خلويص فى الاول تقفل عل اايامك واحلامك وتنسى وتلاقى نفسك فجاه عمرك عدى وسنينك جريت وانت يدوبك لسه واخد بالك وبتحس كانك اتولدت من جديد واللى يزيد الطين بلله انه حتى حلمك الاهبل بتتحرم منه قبل ما تفكر تعيشه بجد
يخربيت عقلك يا معلم
يخربيت بساطه جمال ام افكارك وكلامك
اصلىىىىىىىىىىىىىىىىىى يا معلم
لــــــــــــــــيه
خلاويص
طيب ما تبدأ حدوتة تانية .. دي خلاويص
إرسال تعليق